പേരാമ്പ്ര: പേരാമ്പ്ര ബ്ലോക്ക് പഞ്ചായത്ത് 2025 -26 വാർഷിക പദ്ധതി രൂപീകരണത്തിൻ്റെ ഭാഗമായുള്ള ബ്ലോക്ക് ഗ്രാമസഭ പ്രസിഡൻ്റ് എൻ.പി ബാബു ഉദ്ഘാടനം ചെയ്തു. ബ്ലോക്ക് പഞ്ചായത്ത് ഗ്രാമസഭയിൽ വൈസ് പ്രസിഡൻ്റ് സി.കെ പാത്തുമ്മ ടീച്ചർ അധ്യക്ഷത വഹിച്ചു. ബ്ലോക്ക് വികസന സ്ഥിരം സമിതി ചെയർമാൻ കെ. സജീവൻ മാസ്റ്റർ പദ്ധതി രൂപരേഖ അവതരിപ്പിച്ചു.

പേരാമ്പ്ര ഗ്രാമ പഞ്ചായത്ത് പ്രസിഡൻ്റ് വി.കെ പ്രമോദ്, ആരോഗ്യ വിദ്യാഭ്യാസ സ്ഥിരം സമിതി ചെയർമാൻ ശശികുമാർ പേരാമ്പ്ര, ക്ഷേമ സമിതി ചെയർമാൻ പി.കെ. രജിത, ബ്ലോക്കംഗങ്ങളായ കെ.കെ. വിനോദൻ, പി ടി അഷറഫ്, കെ. അജിത, കെ. കെ ലിസി, പ്രഭാശങ്കർ, ഗിരിജശശി, വഹീദ പാറേമൽ, സി.എം സനാതനൻ എന്നിവർ സംസാരിച്ചു.

ബിഡിഒ പി.കാദർ സ്വാഗതം പറഞ്ഞു. ജനപ്രതിനിധികൾ, നിർവ്വഹണ ഉദ്യോഗസ്ഥർ,ആസൂത്രണ സമിതി അംഗങ്ങൾ എന്നിവർ പങ്കെടുത്തു.