നാദാപുരം: സിപിഐ എം നാദാപുരം ഏരിയ സമ്മേളനത്തിന് പതാക ഉയർന്നു. കൊടിമരം രക്തസാക്ഷി സി.കെ ഷിബിൻ്റെ സ്മൃതി മണ്ഡപത്തിൽ നിന്നും സി.എച്ച് മോഹനൻ്റെ നേതൃത്വത്തിലും പതാക കെ.പി ചാത്തു മാസ്റ്ററുടെ സ്മൃതി മണ്ഡപത്തിൽ നിന്നും എ മോഹൻദാസിൻ്റെ നേതൃത്വത്തിലുമാണ് പൊതുസമ്മേളന ന​ഗരിയിലെത്തിച്ചു. നിരവധി വാഹനങ്ങളുടെയും ബേൻ്റ് വാദ്യങ്ങളുടെ അകമ്പടിയോടും കൂടിയാണ്
പതാകയും കൊടിമരവും സമ്മേളന ന​ഗരിയിലെത്തിച്ചത്.

സിപിഐഎം ജില്ല കമ്മിറ്റി അംഗം വി പി കുഞ്ഞികൃഷ്ണൻ പതാക ഉയർത്തി. സ്വാഗത സംഘം ചെയർമാൻ ടി കെ അരവിന്ദാക്ഷൻ അധ്യക്ഷനായി. ഏരിയ സെക്രട്ടറി പി പി ചാത്തു, ജില്ല കമ്മിറ്റി അംഗം കൂടത്താം കണ്ടി സുരേഷ്, എ മോഹൻ ദാസ് ,സി എച്ച് മോഹനൻ, സ്വാഗത സംഘം കൺവീനർ ടി അനിൽ കുമാർ എന്നിവർ സംസാരിച്ചു. തുടർന്ന് കൈ കൊട്ടികളി മത്സരവും നടന്നു.

16, 17 തിയ്യതികളിൽ ഇരിങ്ങണ്ണൂരിൽ കോടിയേരി ബാലകൃഷ്ണൻ നഗറിലാണ് പ്രതിനിധി സമ്മേളനം. 17 ന് വൈകീട്ട് റെഡ് വളണ്ടിയർ മാർച്ചും പ്രകടനവും പൊതുസമ്മേളനവും ചേരും.