ഇംഗ്ലീഷ് മധുരം; എടച്ചേരി നരിക്കുന്ന് യുപി സ്കൂളിൽ കമ്മ്യൂണിക്കേറ്റീവ് ഇംഗ്ലീഷ് ക്ലാസ് ആരംഭിച്ചു
എടച്ചേരി: നരിക്കുന്ന് യുപി സ്കൂളിൽ കമ്മ്യൂണിക്കേറ്റീവ് ഇംഗ്ലീഷ് ക്ലാസ് ആരംഭിച്ചു. സ്കൂൾ പി ടി എയുടെ ആഭിമുഖ്യത്തിൽ ഏഴാം ക്ലാസിലെ വിദ്യാർത്ഥികൾക്കായാണ് കമ്മ്യൂണിക്കേറ്റീവ് ക്ലാസ് ആരംഭിച്ചത്.
പിടിഎ പ്രസിഡണ്ട് ബിജു മലയിൽ ക്ലാസ് ഉദ്ഘാടനം ചെയ്തു. രഘുനാഥ് ക്ലാസിന് നേതൃത്വം നൽകി. സി ഭാസ്കരൻ അധ്യക്ഷനായി. പ്രധാന അധ്യാപകൻ സത്യൻ പാറോൽ സംസാരിച്ചു. ഏഴാം ക്ലാസിനു ശേഷം മറ്റു ക്ലാസുകളിലേക്കും കമ്മ്യൂണിക്കേറ്റീവ് ഇംഗ്ലീഷ് ക്ലാസ് തുടരും. 