കൊയിലാണ്ടി: മേല്‍പ്പാലത്തിന് സമീപം വയോധികനെ ട്രെയിന്‍തട്ടിയ നിലയില്‍ കണ്ടെത്തി. വൈകീട്ട് 6.15 ഓടെയാണ് സംഭവം. മേല്‍പ്പാലത്തിന് താഴെ റെയില്‍വേ ട്രാക്കിന് സമീപമാണ് വയോധികനെ ട്രെയിന്‍തട്ടി പരിക്കേറ്റ നിലയില്‍ കണ്ടത്. തലയ്ക്ക് പരിക്കേറ്റ നിലയിലാണുള്ളത്.

എഴുപത് വയസ്സോളം പ്രായം തോന്നിയ്ക്കുന്ന വയോധികനാണ് പരിക്കേറ്റത്. കോഴിക്കോട് ഭാഗത്തേയ്ക്ക് പോവുകയായിരുന്ന ട്രെയിനാണ് തട്ടിയത്. റെയില്‍പാളം മുറിച്ചുകടക്കുമ്പോള്‍ ട്രെയിനിടിക്കുകയായിരുന്നെന്നാണ് ലഭിക്കുന്ന വിവരം.

പരിക്കേറ്റ വയോധികനെ ഫയര്‍ഫോഴ്‌സും പോലീസും സ്ഥലത്തെത്തി കൊയിലാണ്ടി താലൂക്ക് ആശുപത്രിയില്‍ പ്രാഥമിക ചികിത്സ നല്‍കിയ ശേഷം കോഴിക്കോട് മെഡിക്കല്‍ കോളേജിലേയ്ക്ക് മാറ്റുന്നു. നിലവില്‍ മറ്റ് പരിക്കുകളില്ലെന്നും സംസാരിക്കുന്നുമുണ്ടെന്നാണ് ലഭിക്കുന്ന വിവരം.

Description: Elderly man injured after being hit by train near Koyilandy flyover