കോഴിക്കോട്: ജില്ലാ സ്പോര്‍ട്സ് കൗണ്‍സില്‍ കുറഞ്ഞ നിരക്കില്‍ 11 കായിക ഇനങ്ങളില്‍ വിദ്യാര്‍ത്ഥികള്‍ക്കായി വേനല്‍ക്കാല ക്യാമ്പ് നടത്തുന്നു. അഞ്ച് വയസ്സ് മുതല്‍ 17 വയസ്സ് വരെയുള്ള കുട്ടികള്‍ക്ക് ഏപ്രില്‍, മെയ് മാസങ്ങളിലാണ് സമ്മര്‍ ക്യാമ്പ്. കോച്ചിംഗ് ക്യാമ്പ് ഏപ്രില്‍ മൂന്നിന് ആരംഭിച്ച് മെയ് 23ന് അവസാനിക്കും.

ജില്ലയിലെ വിവിധ കേന്ദ്രങ്ങളിലാണ് ക്യാംപ് ആസൂത്രണം ചെയ്തിരിക്കുന്നത്. ഷട്ടില്‍ ബാഡ്മിന്റ്ണ്‍, ഫുട്ബോള്‍, ബാസ്‌ക്കറ്റ്ബോള്‍, ടേബിള്‍ടെന്നീസ്, ബോക്‌സിങ്, ജിംനാസ്റ്റിക്സ്, ചെസ്സ്, തയ്‌ക്കോണ്ടോ, വോളിബോള്‍, സ്‌കേറ്റിംഗ, സ്വിമ്മിംഗ് തുടങ്ങിയ ഇനങ്ങളിലാണ് ക്യാമ്പ്.

പരിചയ സമ്പന്നരും പ്രശസ്തരുമായ കായികതാരങ്ങളുടെ നേതൃത്വത്തിലാണ് ക്യാമ്പ് രൂപകല്പന ചെയ്തിരിക്കുന്നത്. രജിസ്ട്രേഷന്‍ മാര്‍ച്ച് ഒന്ന് മുതല്‍ ആരംഭിക്കും. വിവരങ്ങള്‍ക്ക് – www.sportscouncilkozhikode.com ഫോണ്‍ – 8078182593, 0495- 2722593.

Description: District Sports Council with summer camp