വടകര: തിരുവള്ളൂർ ഗ്രാമപഞ്ചായത്ത് വൈസ് പ്രസിഡന്റായി കോൺഗ്രസിലെ ഡി. പ്രജീഷിനെ തെരഞ്ഞെടുത്തു. യുഡിഎഫ് ധാരണപ്രകാരം ലീഗിലെ എഫ്.എം. മുനീർ രാജിവെച്ചതിനെ തുടർന്നാണ് തെരഞ്ഞെടുപ്പ് നടന്നത്.

എൽഡിഎഫിലെ ഗോപീനാരായണനായിരുന്നു എതിർ സ്ഥാനാർഥി. ഒമ്പതിനെതിരെ 11 വോട്ടുകൾക്ക് ​ഗോപീനാരായണനെ പരാജയപ്പെടുത്തിയാണ് പ്രജീഷ് വൈസ് പ്രസിഡന്റായി തെരഞ്ഞെടുക്കപ്പെട്ടത്. നാലാം വാർഡായ കണ്ണമ്പത്ത്കര വാർഡിലെ മെമ്പറാണ് പ്രജീഷ്.