വടകര: സിപിഎം കോഴിക്കോട് ജില്ലാ സമ്മേളനത്തോടനുബന്ധിച്ച് വടകരയിൽ നാളെ പുസ്തകമേളയ്ക്ക് തുടക്കമാകും. ജില്ലാ സമ്മേളനം സ്വാഗത സംഘത്തിന്റെ നേതൃത്വത്തിലാണ് മേള സംഘടിപ്പക്കുന്നത്. ലിങ്ക് റോഡിന് സമീപം രാവിലെ 10 മണി മുതൽ വൈകിട്ട് 9 മണി വരെ മേള നടക്കുക.

പുസ്തക മേളയുടെ ഔപചാരിക ഉദ്ഘാടനം നാളെ വൈകീട്ട് 5 മണിക്ക് പ്രശസ്ത നോവലിസ്റ്റ് എം വി ജനാർദ്ദനൻ നിർവ്വഹിക്കും. സാംസ്ക്കാരിക ചത്വരത്തിൽ നടക്കുന്ന ഉദ്ഘാടന ചടങ്ങിൽ പി എസ് ബിന്ദുമോൾ, ടി രാധാകൃഷ്ണൻ എന്നിവർ സംസാരിക്കും. തുടർന്ന് പി ഭാസക്കരന്റെ തെരഞ്ഞെടുത്ത ​ഗാനങ്ങളുടെ ദൃശ്യാവിഷ്ക്കാരവും അരങ്ങേറും.

കഥ, കവിത,നോവൽ ലേഖനം, ഉപന്യാസം തുടങ്ങി വിവിധ കാറ്റ​ഗറികളിലായി 10000 ൽ അധികം പുസ്തകങ്ങൾ മേളയിലുണ്ട്. ജനുവരി 31ന് മേള സമാപിക്കും.