നാദാപുരം: സി.പി.ഐ.എം ഇരുപത്തിനാലാം പാര്‍ടി കോണ്‍ഗ്രസിന്റെ ഭാഗമായി നാദാപുരം ഏരിയാ സമ്മേളനം ശനി, ഞായര്‍ ദിവസങ്ങളില്‍ ഇരിങ്ങണ്ണൂരില്‍ നടക്കും. കോടിയേരി ബാലകൃഷ്ണന്‍ നഗറില്‍ ശനിയാഴ്ച രാവിലെ സി.പി.ഐ.എം ജില്ലാ സെക്രട്ടറി പി മോഹനന്‍ ഉദ്ഘാടനം ചെയ്യും.

14 ലോക്കലുകളില്‍ നിന്നായി 136 പ്രതിനിധികള്‍, 21 ഏരിയാ കമ്മിറ്റി അംഗങ്ങള്‍, ജില്ലാ സംസ്ഥാന കമ്മിറ്റി അംഗങ്ങള്‍ ഉള്‍പ്പെടെ 165 പേര്‍ സമ്മേളനത്തില്‍ പങ്കെടുക്കും. ഞായറാഴ്ച വൈകിട്ട് റെഡ് വളണ്ടിയര്‍ മാര്‍ച്ചും പൊതുപ്രകടനവും നടക്കും. ഇരിങ്ങണ്ണൂര്‍ ടൗണിന് സമീപം സീതാറാം യെച്ചൂരി നഗറില്‍ ചേരുന്ന പൊതുസമ്മേളനം സി.പി.ഐ.എം സംസ്ഥാന കമ്മിറ്റി അംഗം എം.വി ജയരാജന്‍ ഉദ്ഘാടനം ചെയ്യും.

നവംബര്‍ 10നായിരുന്നു സമ്മേളനത്തിന്റെ പതാക ഉയര്‍ന്നത്. സീതാറാം യെച്ചൂരിയുടെ നാമധേയത്തിലുള്ള പൊതുസമ്മേളന നഗരിയിൽ ജില്ലാ കമ്മിറ്റി അംഗം വി.പി കുഞ്ഞികൃഷ്ണൻ ആണ് പതാക ഉയര്‍ത്തിയത്‌.

Description: CPIM Nadapuram Area Conference to start tomorrow