നാദാപുരം: സിപിഐഎം 24ാം പാർട്ടി കോൺഗ്രസിൻ്റ ഭാഗമായി നവംമ്പർ 16, 17 തിയ്യതികളിൽ ഇരിങ്ങണ്ണൂരിൽ നടക്കുന്ന നാദാപുരം ഏരിയ സമ്മേളനത്തിൻ്റെ ലോഗോ പ്രകാശനം ചെയ്തു. കല്ലാച്ചി ഇ.വി കൃഷ്ണൻ സ്മാരക ഹാളിൽ മന്ത്രി മുഹമ്മദ് റിയാസ് പ്രകാശനം നിർവ്വഹിച്ചു. ചിത്രകാരനും ശില്പിയുമായ സത്യൻ നീലിമയാണ് ലോഗോ രൂപകല്പ്പന ചെയ്തത്.

സിപിഐഎം ഏരിയ സെക്രട്ടറി പി പി ചാത്തു, ജില്ല കമ്മിറ്റി അംഗങ്ങളായ വി പി കുഞ്ഞികൃഷ്ണൻ, കൂടത്താം കണ്ടി സുരേഷ്, ഏരിയ കമ്മിറ്റി അംഗങ്ങളായ എ മോഹൻ ദാസ്, സി എച്ച് മോഹനൻ, കെ കെ ദിനേശൻ പുറമേരി, ടി അനിൽകുമാർ, ബ്ലോക്ക് പഞ്ചായത്ത് വൈസ് പ്രസിഡൻ്റ് ടി കെ അരവിന്ദാക്ഷൻ, കെ ബാലകൃഷ്ണൻ എന്നിവർ പങ്കെടുത്തു.