വടകര: സിപിഐ എം ഇരുപത്തിനാലം പാർട്ടി കോൺഗ്രസിന് മുന്നോടിയായുള്ള ജില്ലാ സമ്മേളനത്തിന് നാളെ വടകര നാരായണ നഗറിലെ കോടിയേരി ബാലകൃഷ്ണൻ നഗറിൽ തുടക്കമാകും. സമ്മേളന നഗരിയിൽ ഇന്ന് വൈകിട്ട് ദീപശിഖ ജ്വലിപ്പിക്കും.

ഒഞ്ചിയം രക്തസാക്ഷി സ്ക്വയറിൽ ഒഞ്ചിയം രക്തസാക്ഷി മേനോൻ കണാരന്റെ മകൾ റാണി ജാഥാ ലീഡർ ജില്ലാ സെക്രട്ടറിയേറ്റ് അംഗം കെ കെ മുഹമ്മദിന് ദീപശിഖ കൈമാറും. പകൽ മൂന്നിന് ആരംഭിക്കുന്ന ദീപശിഖാ പ്രയാണത്തിൽ നൂറുകണക്കിന് കായികതാരങ്ങൾ റാലിയായി വടകര നാരായണ നഗറിൽ എത്തിക്കും.

ഒഞ്ചിയം ബാങ്ക്, ഒഞ്ചിയം റെയിൽവേ ​ഗേറ്റ്, കണ്ണൂക്കര, കേളു ബസാ,ർ മടപ്പള്ളി നാദാപുരം റോഡ്, കെ ടി ബസാർ, കൈനാട്ടി, ചോറോട്, പെരുവാട്ടും താഴ, അഞ്ചുവിളക്ക്, പഴയ സ്റ്റാൻഡ്, എടോടി തുടങ്ങി വഴിനീളെ അഭിവാദ്യം ഏറ്റുവാങ്ങിയാണ് ദീപശിഖാജാഥ വൈകീട്ട് ആറോടെ സമ്മേളന നഗരിയിൽ എത്തുക.

Summary: CPI-M District Conference at vatakara