ഓർക്കാട്ടേരി: സിപിഐ ഏറാമല ലോക്കൽ കമ്മിറ്റിയുടെ നേതൃത്വത്തിൽ ഏകദിന പഠന ക്യാമ്പ് സംഘടിപ്പിച്ചു. കുറിഞ്ഞാലിയോട് നടന്ന ക്യാമ്പ് സിപിഐ ജില്ലാ കൗൺസിൽ എക്സിക്യൂട്ടീവ് മെമ്പർ പി സുരേഷ്ബാബു ക്യാമ്പ് ഉദ്‌ഘാടനം ചെയ്തു. കമ്മ്യുണിസ്റ്റ് പാർട്ടിയുടെ ചരിത്രവും മാർക്സിസത്തിന്റെ പ്രസക്തിയും അദ്ദേഹം വിശദീകരിച്ചു.

പാർട്ടി സംഘടനാ കാര്യങ്ങൾ മണ്ഡലം സെക്രട്ടറി എൻ എം ബിജു അവതരിപ്പിച്ചു. ലോക്കൽ സെക്രട്ടറി കെ കെ രഞ്ജീഷ് അധ്യക്ഷത വഹിച്ചു. മണ്ഡലം കമ്മിറ്റി മെമ്പർമാരായ എ കെ കുഞ്ഞിക്കണാരൻ, ടി പി റഷീദ് ,സ്വാഗത സംഘം കൺവീനർ വി വി ബീന , ബ്രാഞ്ച് സെക്രട്ടറി ഓ എം അശോകൻ എന്നിവർ സംസാരിച്ചു.