കുറ്റ്യാടി: കുറ്റ്യാടി ഗവ. ഹയര്‍സെക്കന്‍ഡറി സ്‌കൂളിലെ ജൂനിയര്‍-സീനിയര്‍ വിദ്യാര്‍ഥികള്‍ തമ്മിൽ സംഘർഷം. ഒരാൾക്ക് പരിക്കേറ്റു. പ്ലസ് വൺ വിദ്യാർത്ഥി മുഹമ്മദ് ഐഷാമിനാണ് പരിക്കേറ്റത്. ഇൻസ്റ്റ​ഗ്രാമിൽ റീൽസ് ഇട്ടത് സംബന്ധിച്ചാണ് തർക്കം.

ഇൻസ്റ്റ​ഗ്രാം റീൽസ് ഡിലീറ്റ് ചെയ്യണമെന്നാവശ്യപ്പെട്ട് ഐഷാമിനെ പന്ത്രണ്ടോളം സീനിയർ വിദ്യാർഥികൾ ചേർന്ന് മർദ്ദിക്കുകയായിരുന്നെന്നാണ് പരാതി. സ്കൂൾ വിട്ട് വീട്ടിലേക്കു മടങ്ങുന്നതിനിടെ കുറ്റ്യാടി ജുമാ മസ്ജിദിന് സമീപമാണ് സംഭവം. പരിക്കേറ്റ വിദ്യാർഥി ആശുപത്രിയിൽ ചികിത്സ തേടി. ഐഷാമിന്റെ പരാതിയിൽ കുറ്റ്യാടി പോലിസ് കേസെടുത്തു.

Description: Controversy over Instagram Reel; Clash between students in Kutyati