---

വ​ട​ക​ര : വ​ട​ക​ര ന​ഗ​ര​സ​ഭ ഓ​ഫീ​സ് കം ​ഷോ​പ്പി​ങ് കോ​പ്ല​ക്സ് കെ​ട്ടി​ട​ നിർമാണം അവസാന ഘട്ടത്തിലേക്ക്. അടുത്തമാസം കെട്ടിടം നാടിന് സമർപ്പിക്കാനാണ് അധികൃതർ ശ്രമിക്കുന്നത്. ഒ​ന്നാം നി​ല​യു​ടെ പ​ണി ചെറിയൊരു ശതമാനം മാത്രമേ പൂ​ർ​ത്തി​യാ​കാൻ ബാക്കിയുള്ളൂ. 7212.62 മീ​റ്റ​ർ സ്ക്വ​യ​ർ വി​സ്തൃ​തി​യി​ലു​ള്ള​താ​ണ് കെ​ട്ടി​ടം.

കെ.​യു.​ആ​ർ.​ഡി.​എ​ഫ്.​സി.​യി​ൽ നി​ന്നും 9 കോ​ടി 16 ല​ക്ഷം രൂ​പ വാ​യ്പ ല​ഭ്യ​മാ​ക്കി​യാ​ണ് ന​ഗ​ര​സ​ഭ ഓ​ഫിസ് കം ​ഷോ​പ്പി​ങ് കോ​പ്ല​ക്സ് നി​ർ​മ്മി​ച്ച​ത്. . ആ​ധു​നീ​ക സു​ര​ക്ഷാ സം​വി​ധാ​നം ഉ​ൾ​പെ​ടെ കെ​ട്ടി​ടത്തിൽ ഒരുക്കുന്നുണ്ട്. നെ​റ്റ് സീ​റോ കാ​ർ​ബ​ൺ പ​ദ്ധ​തി​ക്ക് അ​നു​സൃ​ത​മാ​യി ഗ്രീ​ന​റി സം​വി​ധാ​ന​ത്തി​ലാ​ണ് യാ​ർ​ഡ് ഒ​രു​ക്കു​ന്ന​ത്.

53 ക​ട​മു​റി​ക​ളാണ് കെട്ടിടത്തിലുള്ളത്. ഇതിൽ ലേ​ല​ത്തി​ൽ പോ​യ​ത് 11 എ​ണ്ണം മാത്രമാണ്. പ​ല​ത​വ​ണ ഓ​ഫ​ർ ന​ൽ​കി കെ​ട്ടി​ട​ത്തി​ലെ മു​റി​ക​ൾ ലേ​ല​ത്തി​ന് വച്ചിരുന്നെങ്കിലും ഉ​യ​ർ​ന്ന ഡെപ്പോ​സി​റ്റും വാ​ട​ക​യും കാ​ര​ണം ആരും കടമുറികൾ ലേ​ല​ത്തി​ൽ എടുത്തില്ല. അ​വ​സാ​ന ഓ​ഫ​റി​ലാ​ണ് 11 എ​ണ്ണം ലേ​ല​ത്തി​ൽ പോ​യ​ത്.

ന​ഗ​ര​സ​ഭ​യു​ടെ സ്വ​പ്ന പ​ദ്ധ​തിയായ ന​ഗ​ര​സ​ഭ ഓ​ഫീ​സ് കം ​ഷോ​പ്പി​ങ് കോ​പ്ല​ക്സ് മു​ഖ്യ​മ​ന്ത്രി​യു​ടെ 100 ദി​ന ക​ർ​മ പ​രി​പാ​ടി​യി​ൽ ഉ​ൾ​പ്പെ​ടു​ത്തി ന​വ​മ്പ​റി​ൽ നാ​ടി​ന് സ​മ​ർ​പ്പി​ക്കാ​നാ​യി​രു​ന്നു ല​ക്ഷ്യ​മി​ട്ട​ത്. എ​ന്നാ​ൽ പ​ല വി​ധ കാ​ര​ണ​ങ്ങ​ളാ​ൽ പ്രവർത്തി നീ​ണ്ടു​പോ​യതിനാൽ അത് നടന്നില്ല.