വടകര: ജില്ലാ സ്കൂൾ കലോത്സവം ഹൈസ്ക്കൂൾ മലയാള നാടക മത്സരത്തിൽ മികച്ച നടനായി മേമുണ്ട ഹയർസെക്കണ്ടറി സ്കൂളിലെ ഒൻപതാം ക്ലാസ്സ് വിദ്യാർത്ഥി . “ശ്വാസം” എന്ന നാടകത്തിൽ തകര സിനിമയിലെ ചെല്ലപ്പനാശാരിയായി വേഷമിട്ടാണ് ഫിദൽ ഗൗതമാണ് ഈ വർഷത്തെ മികച്ച നടൻ. തോടന്നൂർ സബ്ജില്ല കലോത്സവ നാടക മത്സരത്തിലും ഫിദൽ തന്നെയായിരുന്നു മികച്ച നടൻ.

കഴിഞ്ഞ വർഷവും ജില്ലയിൽ മികച്ച നടനുള്ള പുരസ്ക്കാരം ഫിദൽ കരസ്ഥമാക്കിയിരുന്നു. മേമുണ്ടയുടെ ശ്വാസം എന്ന നാടകത്തിന് ജില്ലയിൽ രണ്ടാം സ്ഥാനവും എ ഗ്രേഡുമാണ് ലഭിച്ചത്. പ്രശസ്ത നാടക സംവിധായകൻ ജിനോ ജോസഫാണ് രചനയും, സംവിധാനവും നിർവ്വഹിച്ചത്.

കഴിഞ്ഞ ആഴ്ച ബാഗ്ലൂരിൽ വച്ച് നടന്ന ദക്ഷിണേന്ത്യൻ ശാസ്ത്ര നാടക മത്സരത്തിലും ഫിദൽ ഗൗതം ദക്ഷിണേന്ത്യയിലെ മികച്ച നടനുള്ള പുരസ്ക്കാരം കരസ്ഥമാക്കി. കേരളത്തെ പ്രതിനിധീകരിച്ച് മേമുണ്ട ഹയർസെക്കണ്ടറി സ്കൂൾ ബാഗ്ലൂരിൽ അവതരിപ്പിച്ച “തല” എന്ന ശാസ്ത്രനാടകത്തിലായിരുന്നു ഫിദൽ ഗൗതം വേഷമിട്ടത്. ബാലസംഘം കുട്ടോത്ത് വില്ലേജ് പ്രസിഡണ്ട് കൂടിയായ ഫിദൽ കുട്ടോത്ത് കാദംബരി വീട്ടിൽ പ്രവീൺ, മായ ദമ്പതിമാരുടെ മൂത്ത മകനാണ്.