ചോറോട്: ബഡ്സ് സ്‌പെഷ്യല്‍ സ്‌കൂളിലെ കുട്ടികള്‍ക്കായി ചോറോട് ഗ്രാമ പഞ്ചായത്ത് ‘ഹൃദ്യം’ പെരുന്നാൾ- വിഷു ആഘോഷം സംഘടിപ്പിച്ചു. പാട്ട് പാടിയും നൃത്തം ചെയ്തും കുട്ടികള്‍ പരിപാടി ആഘോഷമാക്കി. രക്ഷിതാക്കള്‍, പഞ്ചായത്ത് അംഗങ്ങൾ, കുടുംബശ്രീ സി.ഡി.എസ് അംഗങ്ങൾ എന്നിവർ പങ്കെടുത്തു. ഗ്രാമ പഞ്ചായത്ത് പ്രസിഡണ്ട് പി.പി ചന്ദ്രശേഖരൻ മാസ്റ്റർ ഉദ്ഘാടനം ചെയ്തു.

വൈസ് പ്രസിഡണ്ട് രേവതി പെരുവാണ്ടിയിൽ അദ്ധ്യക്ഷത വഹിച്ചു. ആരോഗ്യ- വിദ്യാഭ്യാസ സ്ഥിരം സമിതി ചെയർമൻ സി.നാരായണൻ മാസ്റ്റർ, ഗ്രാമ പഞ്ചായത്തംഗങ്ങളായ മഠത്തിൽ പുഷ്പ, അബൂബക്കർ വി.പി, പ്രസാദ് വിലങ്ങിൽ, പ്രിയങ്ക സി.പി, ലിസി പി, ജംഷിദ, കുടുംബശ്രീ സി.ഡി.എസ്‌ ചെയർപെഴ്സൺ കെ.അനിത എന്നിവർ പ്രസംഗിച്ചു.

വികസന കാര്യ സ്ഥിരം സമിതി ചെയർമാൻ കെ.മധുസൂദനൻ സ്വാഗതവും ടീച്ചർ പ്രേമ കെ.എം നന്ദിയും പറഞ്ഞു.

Description: Chorode Grama Panchayat’s ‘Hridyam’ perunnal-Vishnu celebration