ചോറോട്: സുവര്‍ണജൂബിലി ആഘോഷങ്ങളുടെ ഭാഗമായി വിപുലമായ പരിപാടികളുടെമായി ചോറോട് ഗവണ്‍മെന്റ് ഹയര്‍സെക്കന്ററി സ്‌കൂള്‍. നവംബര്‍ 10ന് ഗുലിസ്ത എന്ന പേരില്‍ ഒരുക്കുന്ന പൂര്‍വ്വ-വിദ്യാര്‍ത്ഥി അധ്യാപക സംഗമം ആണ് പരിപാടിയുടെ പ്രധാന ആകര്‍ഷണം. രാവിലെ 9മണിക്ക് ആരംഭിക്കുന്ന പരിപാടിയില്‍ ആയിരത്തിഅഞ്ഞൂറോളം കുട്ടികളും നൂറിലധികം അധ്യാപകരും ഓര്‍മകള്‍ പങ്കുവെക്കാന്‍ സ്‌കൂള്‍ മുറ്റത്ത് ഒത്തുചേരും.

സംഗമം കോഴിക്കോട് ജില്ലാ പഞ്ചായത്ത് പ്രസിഡണ്ട് ഷീജ ശശി ഉദ്ഘാടനം ചെയ്യും. പ്രശസ്ത സിനിമാതാരങ്ങളായ പി.പി കുഞ്ഞികൃഷ്ണന്‍ മാസ്റ്റര്‍, രചന നാരായണന്‍കുട്ടി എന്നിവര്‍ മുഖ്യാതിഥികളായിരിക്കും. തുടര്‍ന്ന് വൈകിട്ട് അഞ്ച് മണിക്ക് രാഗവല്ലി മ്യൂസിക് ബാന്റ് അവതരിപ്പിക്കുന്ന ഗാനമേള അരങ്ങേറുന്നതായിരിക്കും.

കെ.ടി മോഹന്‍ദാസ് ആണ് പരിപാടിയുടെ സംഘാടക സമിതി ചെയര്‍മാന്‍. എന്‍.നിധിന്‍ ആണ് കണ്‍വീനര്‍.

Description: Chorode Govt Higher Secondary School, ‘Gulista’ on 10th November