ആയഞ്ചേരി: ശിശുദിനാഘോഷത്തിൻ്റെ ഭാഗമായി ആയഞ്ചേരി ഗ്രാമ പഞ്ചായത്ത് 12-ാം വാർഡിലെ കടമേരി എൽ.പി അംഗൻവാടിയില്‍ വിപുലമായ പരിപാടികള്‍ സംഘടിപ്പിച്ചു. റോസാപ്പൂ ഷർട്ടിൻ്റെ ബട്ടനിൽ ധരിച്ച്, നെഹറു തൊപ്പിയും ധരിച്ചെത്തിയ കൊച്ചു കുട്ടികൾ പണ്ഡിറ്റ് ജവഹർലാൽ നെഹറുവിൻ്റെ ഓർമ്മ പുതുക്കി.

കുട്ടികളെ അണിനിരത്തി ഘോഷയാത്രയും തുടര്‍ന്ന് അനുസ്മരണ സദസും സംഘടിപ്പിച്ചു. ആയഞ്ചേരി പഞ്ചായത്ത് സ്ഥിരം സമിതി അധ്യക്ഷൻ ടി.വി കുഞ്ഞിരാമൻ മാസ്റ്റർ ഉദ്ഘാടനം ചെയ്തു.

രശ്മി സി. എം, സജിന, സൽമ കെ.കെ, ലിഷ ഒ, അനഘ, സൗമ്യ പി, നിഷ കെ എന്നിവർ സംസാരിച്ചു. തുടര്‍ന്ന്‌ കുട്ടികളുടെ വിവിധ കലാപരിപാടികളും, മധുരപലഹാര വിതരണവും നടന്നു.

Description: Children's Day celebration at Kadameri LP Anganwadi