നാദാപുരം: ചെക്യാട് പഞ്ചായത്ത് തെരുവുനായ ഭീഷണിയിൽ. വേവത്ത് തെരുവ് നായയുടെ അക്രമണത്തിൽ നിന്ന് ഓടിരക്ഷപ്പെടാൻ ശ്രമിച്ച വിദ്യാർത്ഥിക്ക് വീണ് പരിക്കേറ്റു. മൂന്നാം ക്ലാസ് വിദ്യാർത്ഥി മുഹമ്മദ് സയാൻ ആണ് പരിക്കേറ്റത്. ഇന്ന് രാവിലയാണ് സംഭവം.

റോഡ് സൈഡിൽ സ്ക്കൂൾ ബസ് കാത്ത് നിൽക്കുന്നതിനിടെ നായ അക്രമിക്കാനായി യാസിറിന് മുന്നിലേക്ക് കുതിച്ചെത്തി. തുടർന്ന് രക്ഷപ്പെടാനായി സമീപത്തെ വീട്ടുമുറ്റത്തേക്ക് ഓടിക്കയറുന്നതിനിടെ നിലത്ത് വീണു. സ്കൂൾ ബസ് ഡ്രൈവർ ഇത് കണ്ട് ഒച്ചത്തിൽ ഹോൺ മുഴക്കി വന്നതിനാൽ നായ ഓടിപ്പോയി. സയാനാണ് കൈക്കാണ് പരിക്കേറ്റത്.

രണ്ട് ദിവസം മുമ്പ് ഇതേ സ്ഥലത്ത് മദ്രസ വിട്ട് വരികയായിരുന്ന മറ്റൊരു വിദ്യാർത്ഥിനിയെ നായ അക്രമിക്കാൻ ശ്രമിച്ചിരുന്നു. അന്ന് സമീപമുണ്ടായിരുന്ന വീട്ടമ്മയാണ് കുട്ടിയെ നായയുടെ ആക്രമണത്തിൽ നിന്നും രക്ഷപ്പെടുത്തിയത്.