പുറമേരി: കോടിക്കണക്കിന് തൊഴിലാളികൾ ജോലി ചെയ്യുന്ന തൊഴിലുറപ്പു പദ്ധതിയോടുള്ള കേന്ദ്ര സർക്കാറിൻ്റെ അവഗണന അവസാനിപ്പിക്കണമെന്ന് എൻ ആർ ഇ ജി എസ് വർക്കേഴ്സ് യൂണിയൻ ( എ ഐ ടി യു സി) സംസ്ഥാന ജനറൽ സെക്രട്ടറി കെ അനിമോൻ. കേന്ദ്ര ബഡ്ജറ്റിൽ തൊഴിലുറപ്പു പദ്ധതിയുടെ വിഹിതം വർദ്ധിപ്പിക്കാത്ത നടപടി പ്രതിഷേധാർഹമാണെന്നും അദ്ദേഹം പറഞ്ഞു. എൻ ആർ ഇ ജി എസ് ഫെഡറേഷൻ ജില്ലാ സമ്മേളനം പുറമേരിയിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ജില്ല പ്രസിഡണ്ട് പി സി തോമസ് പതാക ഉയർത്തി.എൻ എം വിമല, കെ ടി കെ ചാന്ദ്നി, ശശി കിഴക്കൻ പേരാമ്പ്ര പി സി തോമസ് എന്നിവരടങ്ങിയ പ്രസീഡിയം സമ്മേളന നടപടി നിയന്ത്രിച്ചു. കെ ടി കെ ചാന്ദ്നി രക്തസാക്ഷി പ്രമേയവും സി കെ ബാബു അനുശോചന പ്രമേയവും അവതരിപ്പിച്ചു. സി പി ഐ ജില്ലാ സെക്രട്ടറി കെ കെ ബാലൻ സംസ്ഥാന കൗൺസിൽ അംഗങ്ങളായ ഇ കെ വിജയൻ എം എൽ എ , ടി കെ രാജൻ, ആയഞ്ചേരി മണ്ഡലം സെക്രട്ടറി കെ പി പവിത്രൻ, എ ഐ ടി യു സി ജില്ലാ വൈ പ്രസി പി ഭാസ്കരൻ എന്നിവർ സംസാരിച്ചു.