വടകര: വയനാടിന് സഹായം നൽകാതെ കേന്ദ്രം വഞ്ചിക്കുന്നുവെന്ന് ആരോപിച്ച് വടകരയിൽ കോൺ​ഗ്രസ് പ്രതിഷേധം. വടകര മണ്ഡലം കോൺഗ്രസ്സ് കമ്മറ്റിയുടെ നേതൃത്വത്തിലാണ് പ്രതിഷേധ പ്രകടനം സംഘടിപ്പിച്ചത്. വയനാടിനായി അടിയന്തര സഹായം നൽകാത്ത കേന്ദ്ര വഞ്ചനയ്ക്ക് എതിരെ, പിണറായി വിജയൻ സർക്കാറിന്റെ വയനാട് ദുരിതാശ്വാസ ഫണ്ട്‌ തട്ടിപ്പിനെതിരെ എന്നീ മുദ്രാവാക്യങ്ങൾ ഉയർത്തിയായിരുന്നു പ്രകടനം.

വടകര അഞ്ചുവിളക്ക് ഗാന്ധി പ്രതിമയ്ക്ക് സമീപത്ത് നിന്ന് ആരംഭിച്ച പ്രകടനം പുതിയ ബസ് സ്റ്റാന്റ് പരിസരത്ത് സമാപിച്ചു. വടകര മണ്ഡലം പ്രസിഡൻ്റ് വി.കെ പ്രേമൻ, ബ്ലോക്ക് പ്രസിഡൻ്റ് സതീശൻ കുരിയാടി, പി.എസ് രഞ്ജിത്ത് കുമാർ, അജിത്ത് പ്രസാദ് കുയ്യാലിൽ , ബാബു കോറോത്ത്, എം രാജൻ , കമറുദ്ദീൻ കുരിയാടി , രാഹുൽ ദാസ് പുറങ്കര, വി.കെ ഭാസകരൻ , മോഹനൻ കുരിയാടി തുടങ്ങിയവർ നേതൃത്വം നൽകി.