Category: പേരാമ്പ്ര

മേപ്പയ്യൂര്‍: എ.ഐ.വൈ.എഫ് കോഴിക്കോട് ജില്ലാ കമ്മിറ്റി സംഘടിപ്പിച്ച ബുള്ളറ്റ് ചലഞ്ച് നറുക്കെടുപ്പില്‍ വിജയിയായി വേളം ചേരാപുരം സ്വദേശി. മേപ്പയ്യൂര്‍ മണ്ഡലത്തിലെ തുറയൂര്‍ മേഖല കമ്മിറ്റി വിറ്റ ടിക്കറ്റിനാണ് ബുള്ളറ്റ് സമ്മാനമായി ലഭിച്ചത്. വയനാട്ടില്‍ ഉരുള്‍പൊട്ടല്‍ ദുരിതബാധിതര്‍ക്കായി എ.ഐ.വൈ.എഫ് നിര്‍മ്മിച്ചു നല്‍കുന്ന പത്തുവീട് പദ്ധതിയുടെ ധനശേഖരണാര്‍ത്ഥമാണ് ബുള്ളറ്റ് ചലഞ്ച് സംഘടിപ്പിച്ചത്. വേളം സ്വദേശിയായ മുഹമ്മദലിയാണ് നറുക്കെടുപ്പ് വിജയിയായത്.

പേരാമ്പ്ര: കാട്ടുപന്നിയുടെ അക്രമണത്തില്‍ മൂലാട് സ്വദേശിക്ക് ഗുരുതര പരിക്ക്. മാതേടത്തു സുധാകരനാണ് കാലിന് ഗുരുതരമായി പരിക്കേറ്റത്. രാവിലെ ജോലിസ്ഥലത്തേക്ക് ബൈക്കില്‍ പോകുമ്പോഴാണ് പന്നിയുടെ ആക്രമണം ഉണ്ടായത്. മൂലാട് മങ്ങരമീത്തലില്‍ നിന്ന് കാട്ടുപന്നി റോഡിനു കുറുകെ ചാടി ബൈക്ക് മറിച്ചിട്ട് കാലിന് കുത്തി പരിക്കേല്‍പ്പിക്കുക യായിരുന്നു. കാലിന്റെ രണ്ട് വിരലുകള്‍ പൊട്ടുകയും ഞരമ്പിന് ഗുരുതരമായി പരിക്കേല്‍ക്കുകയും ചെയ്തിട്ടുണ്ട്.