പെരുവണ്ണാമൂഴി ജലസേചന പദ്ധതിയുടെ കനാലില്‍ കാര്‍ വീണ് അപകടം; യാത്രക്കാര്‍ രക്ഷപ്പെട്ടത് തലനാരിഴയ്ക്ക്
പേരാമ്പ്ര: പെരുവണ്ണാമൂഴി ജലസേചന പദ്ധതിയുടെ പ്രധാന കനാലില്‍ കാര്‍ വീണ് അപകടം. രാവിലെ 6 മണിയോടെ ആണ് സംഭവം. കൂത്താളി പഞ്ചായത്തിലെ ഏഴാം വാര്‍ഡ് വളയം കണ്ടം തണ്ടോറപ്പാറ അക്‌ഡേറ്റ്‌ന് സമീപം പെരുവണ്ണാമൂഴി ജലസേചന പദ്ധതിയുടെ പ്രധാന കനാലിലേയ്ക്കാണ് വാഗണര്‍ കാര്‍ വീണത്.
സംഭവത്തില്‍ നാട്ടുകാരുടെ കൃത്യമായ ഇടപെടലില്‍ യാത്രക്കാരായ കുടുംബം അത്ഭുതകരമായി രക്ഷപ്പെട്ടു. പേരാമ്പ്ര ഭാഗത്തേയ്ക്ക് പോവുകയായിരുന്ന കാറില്‍ ചെമ്പ്ര സ്വദേശികളായ രജീഷ്, അമിത എന്നിവരാണ് ഉണ്ടായിരുന്നത്‌.
ഏകദേശം മൂന്നു മീറ്ററോളം വെള്ളമുള്ള കിനാലില്‍ ആണ് കാര്‍ വീണത്. ഉടനെത്തന്നെ സമീപത്തുള്ളവര്‍ ഓടിയെത്തി സൈഡ് ഗ്ലാസ് പൊട്ടിച്ചാണ് രണ്ടുപേരെയും രക്ഷപ്പെടുത്തിയത്‌. കനലിന് ഈ ഭാഗത്തു സംരക്ഷണ വേലി ഇല്ല.
Summary: Car falls into canal of Peruvannamuzhy