പാലരി: ഡി വൈഎഫ്ഐ മേഖല കമ്മിറ്റി അംഗത്തിന്റെ ബൈക്ക് അഗ്നിക്കിരയാക്കി. വടക്കുമ്പാട് ഹയർസെക്കണ്ടറി സ്ക്കൂൾ അധ്യാപകന്‍ കൂടിയായ കന്നാട്ടി പാറക്കുതാഴ സൗപർണ്ണികയിൽ എസ്. ശിബിന്റെ ബൈക്കാണ് കത്തിച്ചത്. ഇന്ന് പുലർച്ചെയായിരുന്നു സംഭവം. വീടിന്റെ പോർച്ചിൽ നിർത്തിയിട്ടിരുന്ന കെ.എൽ 56 ഡി. 3899 ഹീറോഹോണ്ട ബൈക്കാണ് കത്തിനശിച്ചത്. സംഭവ സ്ഥലത്ത് നിന്ന് രണ്ട് കുപ്പികൾ കണ്ടെടുത്തിട്ടുണ്ട്. വീടിന് പുറത്ത് തീ പടരുന്നത് കണ്ട് വീട്ടുകാർ ഉണർന്നപ്പോഴാണ് ബൈക്ക് കത്തുന്നത് കണ്ടത്. 
എഎസ്പി വിഷ്ണു പ്രദീപ്, പേരാമ്പ്ര പൊലീസ് ഇൻസ്പക്ടർ വിനു തോമസ് എന്നിവരുടെ നേതൃത്വത്തിൽ പൊലീസ് സ്ഥലത്തെത്തി പരിശോധന നടത്തി. ഓണത്തോടനുബന്ധിച്ച് സി.പി.ഐ.എം. ബി.ജെ.പി. സംഘർഷം നിലനിന്നിരുന്ന പ്രദാശമാണ് കന്നാട്ടി.
error: Content is protected !!
