വാണിമേൽ: വാണിമേൽ ഗ്രാമപഞ്ചായത്ത് കുടുംബശ്രീ സിഡിഎസ് നേതൃത്വത്തിൽ ഉപജീവന പദ്ധതി പ്രകാരം ബഡ്സ് സ്കൂളിലെ കുട്ടികൾക്ക് ബാൻഡ് സെറ്റ് കൈമാറി. പഞ്ചായത്ത് പ്രസിഡണ്ട് പി സുരയ്യ ടീച്ചർ വിതരണോദ്ഘാടനം നിർവ്വഹിച്ചു.

ഈ വിദ്യാലയത്തിലെ കുട്ടികൾ കലാ -കായിക മത്സരങ്ങളിൽ ജില്ലാ സംസ്ഥാന തലങ്ങളിൽ ഉന്നത വിജയം നേടിയവരാണ്. ഇവർക്ക് പ്രോത്സാഹനം എന്ന നിലയിലാണ് ബാൻഡ് സെറ്റ് നൽകിയത്. സി ഡി എസ് ചെയർപേഴ്സൺ ഓമന സി ചടങ്ങിൽ അധ്യക്ഷത വഹിച്ചു. പഞ്ചായത്ത് പ്രതിനിധികളായ ശിവറാം സി കെ, എം കെ മജീദ് സി ഡി എസ് മെമ്പർമാരായ സുനിത ടി പി, അശ്വിനി ടി പി, സിനിഷ കെ എന്നിവർ സംസാരിച്ചു.