പേരാമ്പ്ര: വിദ്യാർത്ഥികൾ കയറുന്നതിനിടെ ബസ്സ് മുന്നോട്ടെടുത്തു. ഇന്ന് രാവിലെ 9 മണിയോടെ പേരാമ്പ്ര മാർക്കറ്റ് സ്‌റ്റോപ്പിൽ വെച്ചാണ് സംഭവം. ബസ്സ് പെട്ടെന്ന് മുന്നോട്ടെടുക്കുന്നതിനിടെ ബസ്സിൽ നിന്നും വീണ് വിദ്യാർത്ഥിനിയ്ക്ക് പരിക്കേറ്റു. നൊച്ചാട് ഹയർസെക്കൻഡറി സ്‌കൂളിലെ എട്ടാം ക്ലാസ് വിദ്യാർത്ഥിനിയ്ക്കാണ് പരിക്കേറ്റത്.

കുറ്റ്യാടി- കോഴിക്കോട് റൂട്ടിലോടുന്ന അദ്‌നാൻ ബസാണ് അപകടത്തിനിടയാക്കിയത്. ബസ് പെട്ടെന്ന് എടുത്തപ്പോൾ വീണ വിദ്യാർത്ഥിനി ഡോറിന് സമീപത്തെ കമ്പിയിൽ പിടിച്ചിരിക്കുകയായിരുന്നു. വിദ്യാർത്ഥിനിയെയും വലിച്ച് കുറച്ചുനേരം ബസ് മുന്നോട്ട് പോയി. നാട്ടുകാരുടെ ശ്രദ്ധയിൽപ്പെട്ടതിനെ തുടർന്നാണ് ബസ് നിർത്തിയത്. വിദ്യാർത്ഥിനിയുടെ കാൽമുട്ട് ഉരഞ്ഞ് പരിക്കേറ്റിട്ടുണ്ട്.

Description: As the students were boarding at Perampra, the bus moved forward