---

പേരാമ്പ്ര: അർജന്റീനയുടെ തിരിച്ചുവരവ് ആഘോഷമാക്കി പേരാമ്പ്രയിലെ ആരാധകർ. അർദ്ധരാത്രിയിൽ നടന്ന മത്സരം കാണാൻ നിരവധി പേരാണ് പേരാമ്പ്രയിലേക്ക് ഒഴുകിയെത്തിയത്. മെക്സിക്കോയുടെ പ്രതിരോധം മറികടന്ന് അർജന്റീന നേടിയ ​ഗോളുകൾ ഹർഷാരവത്തോടെയാണ് ആരാധകർ ഏറ്റെടുത്തത്. മെക്‌സിക്കോയ്‌ക്കെതിരെ എതിരില്ലാത്ത രണ്ട് ഗോളിനാണ് അര്‍ജന്റീന ജയിച്ചുകയറിയത്. 64-ാം മിനിറ്റില്‍ മെസ്സി നേടിയ ട്രേഡ് മാര്‍ക്ക് ഗോളില്‍ ആയിരുന്നു തുടക്കം. 87-ാം മിനിറ്റില്‍ എന്‍സോ ഫെര്‍ണാണ്ടസ് തീതുപ്പുന്നൊരു അംഗുലര്‍ ഷോട്ടിലൂടെ വിജയം അരക്കിട്ടുറപ്പിച്ച് വല കുലുക്കി. ലോകകപ്പിൽ രണ്ട് ​ഗോളുകളാണ് മെസി നേടിയെടുത്തത്.

ലോകകപ്പ് ഫുട്ബോള്‍ മത്സരങ്ങള്‍ തത്സമയം കാണാന്‍ പേരാമ്പ്ര ​ഗ്രാമപഞ്ചായത്തിന്റെ നേതൃത്വത്തിലാണ്യിൽ ബിഗ് സ്‌ക്രീന്‍ ഒരുക്കിയത്. ഫുട്ബോള്‍ പ്രേമികളുടെ സൗകര്യാര്‍ത്ഥം റസ്റ്റ് ഹൗസ് പരിസരത്താണ് ബിഗ് സ്‌ക്രീന്‍ സ്ഥാപിച്ചത്. മത്സരങ്ങൾ കാണാൻ പേരാമ്പ്രയുടെ വിവിധ ഭാ​ഗങ്ങളിൽ നിന്ന് നിരവധി പേരാണ് ദിനംപ്രതി മത്സരം കാണാനായി എത്തുന്നത്.

ആദ്യ തോൽവിക്ക് ശേഷം അർജന്റീനയുടെ മത്സരം ഏറെ പ്രധാനപ്പെട്ടതായിരുന്നു. പ്രീക്വാർട്ടറിലേക്ക് കടക്കുമോ എന്ന് തീരുമാനിക്കപ്പെടുന്ന മത്സരം നെഞ്ചിടിപ്പോടെയാണ് കാണികൾ കണ്ടത്. തപ്പിതടഞ്ഞും ആശങ്ക ഉണര്‍ത്തിയും തുടങ്ങിയ മത്സരത്തിൽ 64-ാം മിനിട്ടിലാണ് ആദ്യ​ഗോൾ പിറക്കുന്നത്. ആശങ്കകൊടുവിൽ വലകിലുക്കി വീണ ​ഗോൾ കയ്യടികളോടെ ആരാധകർ നെഞ്ചിലേറ്റി. പുലർച്ചെ 2.30 ന് കളി അവസാനിക്കുമ്പോൾ എതിരില്ലാത്ത രണ്ട് ​ഗോളുകൾക്ക് അർജന്റീന വിജയമുറപ്പിച്ചിരുന്നു. മത്സര ശേഷം റോഡിലിറങ്ങി അർന്റീനയുടെ കൊടി പാറിച്ചു ആരാധകർ വിജയം ആഘോഷിച്ചു.

വീഡിയോ കാണാം:

ആദ്യ പരാജയത്തിന് ശേഷം വിജയത്തോടെ സൗദിക്ക് മുന്നിൽ, മെക്‌സിക്കോയെ തകർത്തത് എതിരില്ലാത്ത രണ്ട് ഗോളിന്, പ്രീക്വാർട്ടർ സാധ്യത നിലനിർത്തി അർജന്റീന

 

Summary: Argentina’s victory was celebrated by the fans in Perambra