---

നാദാപുരം: കല്ലാച്ചി ഗവ യു പി സ്കൂൾ സംഗമവും നൂറാം വാർഷിക സമാപനവും പൂർവ്വ അധ്യാപക വിദ്യാർത്ഥി സംഗമവും ബുധനാഴ്ച്ച നടക്കുമെന്ന് ഭാരവാഹികൾ അറിയിച്ചു. പൂർവ്വ അധ്യാപക- വിദ്യാർത്ഥി സംഗമം രാവിലെ 9 30 ന് എഴുത്തുകാരൻ യു കെ കുമാരൻ ഉദ്ഘാടനം ചെയ്യും. ഉച്ചക്ക് 2 മണി മുതൽ റെയിൻബോ പ്രീ പ്രൈമറി കുട്ടികളുടെ കലാപരിപാടികൾ അരങ്ങേറും.

നൂറാം വാർഷികാഘോഷ പരിപാടിയുടെ സമാപന സമ്മേളനം ഇ കെ വിജയൻ വിജയൻ എം എൽ എ ഉദ്ഘാടനം ചെയ്യും. പഞ്ചായത്ത് പ്രസിഡൻ്റ് വി വി മുഹമ്മദലി അധ്യക്ഷനാകും. വിദ്യാർത്ഥികളുടെ കലാപരിപാടികളും രാത്രി 9.30 ന് മൂസിക്കൽ നൈറ്റും അരങ്ങേറും. വിദ്യാലയത്തിന്റെ നൂറാം വാർഷികം 2024 നവംബർ മാസം മുതൽ വൈവിധ്യമാർന്ന പരിപാടികളോടെയാണ് നൂറാം വാർഷിക ആഘോഷിച്ചത്.

മെഡിക്കൽ ക്യാമ്പ് , കുട്ടികളുടെയും രക്ഷിതാക്കളുടേയും കലാ വിരുന്ന്, വിനോദ പരിപാടികൾ , ബോധവൽക്കരണ ക്ലാസുകൾ , സംവാദങ്ങൾ , രചന മത്സരങ്ങൾ, കായിക മൽസരങ്ങൾ , അക്കാദമിക് പരിപാടികൾ , വിവിധ മത്സരയിനങ്ങളിലെ കുട്ടികളെ അനുമോദിക്കൽ , സാംസ്കാരിക പരിപാടികൾ , പുസ്തകോൽസവം, ചരിത്ര പ്രദർശനം എന്നിങ്ങനെ ചെറുതും വലുതുമായ വൈവിധ്യപൂർണ്ണമായ നിരവധി പരിപാടികൾ നൂറാം വാർഷികത്തിൻ്റെ ഭാഗമായി സംഘടിപ്പിച്ചു.

പത്രസമ്മേളനത്തിൽ സ്വാഗത സംഘംചെയർമാൻ വി വി മുഹമ്മദലി ,ജനറൽ കൺവീനർ വി പി കുഞ്ഞികൃഷ്ണൻ , പ്രധാനാധ്യാപകൻ എം രവി , പിടിഎ പ്രസിഡൻ്റ് സി ടി അനൂപ്, കരിമ്പിൽ ദിവാകരൻ ,പൊന്നങ്കോട്ട് ശ്രീധരൻ എന്നിവർ പങ്കെടുത്തു.