കൂത്തുപറമ്പ്: തേനീച്ച ആക്രമണത്തിൽ അങ്കണവാടി അധ്യാപികയ്ക്ക് പരിക്കേറ്റു. കൂത്തുപറമ്പ് പന്ന്യോട് അങ്കണവാടിയിലെ ശ്രീദേവിയ്ക്കാണ് പരിക്കേറ്റത്. ദേഹമാസകലം കുത്തേറ്റിട്ടുണ്ട്. ‌‌

വനപാതയിലൂടെ അങ്കണവാടിയിലേക്ക് പോകുന്നതിനിടെ തേനീച്ചയുടെ ആക്രമണം ഉണ്ടായത്. കുത്തേൽക്കാതിരിക്കാനായി ശ്രീദേവി സമീപത്തെ തോട്ടിൽ മുങ്ങുകയായിരുന്നു. തുടർന്ന് ഫോണിൽ സഹോദരനെ വിളിച്ചാണ് വിവരം പറഞ്ഞത്. സഹോദരൻ പ്രദേശവാസികളെ വിവരം അറിയിച്ചു. ഇവർ സ്ഥലത്തെത്തിയപ്പോൾ അബോധാവസ്ഥയിലായിരുന്നു ശ്രീദേവി. ഉടൻ വനം വകുപ്പ് അധികൃതരെത്തി ജീപ്പിൽ കൂത്തുപറമ്പ് താലൂക്ക് ആശുപത്രിയിലെത്തിച്ചു.