പയ്യോളി: ദേശീയപാതയിൽ പയ്യോളിയിൽ ചരക്കുലോറി കാറിലിടിച്ച് അപകടം. പേരാമ്പ്ര റോഡ് ജങ്ഷനിൽ ഇന്ന് ഉച്ചയ്ക്ക് ഒരുമണിയോടെയായിരുന്നു സംഭവം. മേപ്പയ്യൂർ സ്വദേശികൾ സഞ്ചരിച്ച കാറാണ് അപകടത്തിൽപ്പെട്ടത്.

കാർ യാത്രികരായ കുടുംബത്തിന് പരിക്കുണ്ട്. പരിക്കേറ്റവരെ പയ്യോളിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് ഭാഗത്തേക്ക് പോവുകയായിരുന്ന ചരക്ക് ലോറി പേരാമ്പ്ര റോഡിൽ നിന്നും ദേശീയപാതയിലേക്ക് കയറുകയായിരുന്ന കാറിൽ ഇടിക്കുകയായിരുന്നു.