കടമേരി: കടമേരി എൽ പി സ്കൂളിലെ കുട്ടികൾക്ക് സ്നേഹ സമ്മാനവുമായി പൂർവ്വ വിദ്യാർത്ഥികൾ. സ്കൂളിലെ വായന മുറിയിലേക്ക് ദിനപത്രങ്ങൾ നൽകി. തങ്ങളുടെ പിൻ​ഗാമികൾ വായിച്ചു വളരുകയെന്ന ലക്ഷ്യത്തോടെയാണ് പൂർവ്വ വിദ്യാർത്ഥികൾ പത്രങ്ങൾ കൈമാറിയത്. ശ്രീജിഷ പി , ശ്രീജേഷ് പി , ശ്രീഹരി താനക്കണ്ടി എന്നിവർ ചേർന്നാണ് പത്രം സ്പോൺസർ ചെയ്തത്.

സകൂളിൽ ചേർന്ന പത്ര സമർപ്പണ ചടങ്ങ് ആയഞ്ചേരി ഗ്രാമ പഞ്ചായത്ത് സ്ഥിരം സമിതി അധ്യക്ഷൻ ടി.വി. കുഞ്ഞിരാമൻ മാസ്റ്റർ ഉദ്ഘാടനം ചെയ്തു. പി.ടി.എ പ്രസിഡണ്ട് സുധീഷ് കുമാർ അധ്യക്ഷത വഹിച്ചു. പുതിയോട്ടിൽ രമണി സ്കൂൾ ലീഡർ ഉജ്ജ്വൽനാഥിന് പത്രം കൈമാറി. പ്രധാന അധ്യാപിക ആശ കെ, സകൂൾ മാനേജർ ഏ.പി.ശ്രീധരൻ , ഇസ്ഹാഖ് വി.കെ, രാജിഷ കെ , ശ്രീനാഥ് എം എന്നിവർ സംസാരിച്ചു.