തിരുവനന്തപുരം: ശബരിമല പതിനെട്ടാംപടിയിൽ നിന്ന് ഫോട്ടോ എടുത്ത പൊലീസുകാർക്കെതിരെ നടപടി. എസ്എപി ക്യാംപിലെ 23 പൊലീസുകാരെയാണ് നല്ലനടപ്പ് പരിശീലനത്തിന് അയയ്ക്കാൻ തീരുമാനിച്ചത്. കണ്ണൂർ കെഎപി – 4 ക്യാംപിലേക്കാണ് നല്ല നടപ്പ് പരിശീലനത്തിന് ഇവരെ അയയ്ക്കാൻ എഡിജിപി എസ്‍.ശ്രീജിത്ത് നിർദേശം നൽകിത്.

തീവ്രപരിശീലനം നൽകണമെന്നാണ് എഡിജിപിയുടെ നിർദേശം. 23 പൊലീസുകാരും ശബരിമലയിൽ നിന്ന് പരിശീലനത്തിനായി മടങ്ങി. പതിനെട്ടാം പടിയിൽ പുറംതിരിഞ്ഞുനിന്നു പൊലീസുകാർ ഫോട്ടോ എടുത്തത് വിവാദമായിരുന്നു. ഫോട്ടോ സമൂഹ മാധ്യമങ്ങളിൽ പ്രചരിക്കുകയും ചെയ്തു. പന്തളം കൊട്ടാരം അടക്കം പൊലീസുകാർക്കെതിരെ രംഗത്തെത്തിയിരുന്നു.പൊലീസുകാർക്കെതിരെ സ്വീകരിച്ച നടപടി നാളെ ഹൈക്കോടതിയെ അറിയിക്കും.

Description:Action taken against the policemen who took photos from Sabarimala Pahitampadi