ഉള്ളിയേരി: ഉള്ള്യേരിയിൽ ടാങ്കർലോറിയുടെ അടിയിൽപ്പെട്ട് യുവാവ് മരിച്ചു. അരൂർ നടക്ക് മീത്തൽ ചെടിക്കുന്നുമ്മൽ അബ്ദുൽ റഹിമാൻ (42) ആണ് മരിച്ചത്. ഇന്നലെ രാവിലെയായിരുന്നു അപകടം നടന്നത്.

ഉള്ളിയേരിപ്പാലത്തിനടുത്ത് ജലവിതരണം നടത്തുന്ന ടാങ്കർലോറിയും സ്കൂട്ടറുമാണ് അപകടത്തിൽപെട്ടത്. ബാലുശ്ശേരിഭാഗത്തേക്ക് പോകുകയായിരുന്നു രണ്ട് വാഹനങ്ങളും. അപകടത്തിൽ ​ഗുരുതരമായി പരിക്കേറ്റ യുവാവിനെ ഉടനെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. അത്തോളിപോലീസ് ഇൻക്വസ്റ്റ് നടത്തി.

അടുത്തകാലത്താണ് അബ്ദുൽ റഹിമാൻ വിദേശത്തുനിന്ന് വന്നത്. മൂസ്സയുടെയും കുഞ്ഞാമിയുടെയും മകനാണ്. ഭാര്യ: നസില. മക്കൾ: സിയാദ്, ഫാത്തിഹ. സഹോദരങ്ങൾ: മുഹമ്മദ്, ആസ്യ, സാറ, സുബൈദ, പരേതയായ ബീയ്യത്തു.