പത്തോളം പേര്‍ ഓടിയെത്തി, പിന്നാലെ കാറിന്റെ ചില്ല് തകര്‍ത്തു; കുറ്റ്യാടിയില്‍ യുവാവിന് മര്‍ദനം
കുറ്റ്യാടി: കാറില്‍ ഇരിക്കുകയായിരുന്ന യുവാവിന് മര്‍ദനം. മണിയൂര്‍ സ്വദേശി കാരയാത്തൊടി മുഹമ്മദിനാണ് മര്‍ദനമേറ്റത്. കുറ്റ്യാടി മരുതോങ്കര റോഡില്‍ ഇന്നലെയാണ് സംഭവം. കാറിലിരിക്കുയായിരുന്ന മുഹമ്മദിനെ പത്തോളം വരുന്ന ആളുകളെത്തി മര്‍ദിക്കുകയായിരുന്നു.
കാറിനടുത്തേക്ക് എത്തിയ ആളുകള്‍ ആദ്യം ചില്ലുകളില്‍ അടിച്ച് മുഹമ്മദിനെ പുറത്തിറക്കുകയായിരുന്നു. ശേഷം കാറില്‍ നിന്ന് വലിച്ചിറക്കി മര്‍ദിച്ചു. മുഹമ്മദിനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
നേരത്തെയുണ്ടായിരുന്ന തർക്കത്തിന്റെ ഭാഗമായാണ് മര്‍ദനമെന്നാണ്‌ വിവരം. മർദനമേറ്റ യുവാവിനെതിരെ മുമ്പ്‌ പൊലീസ് കേസെടുത്തിരുന്നു. മുഹമ്മദിന്റെ പരാതിയില്‍ കണ്ടാലറിയാവുന്ന 10 പേര്‍ക്കെതിരെ കുറ്റ്യാടി പോലീസ് കേസെടുത്തു.
Description: A young man was beaten up in kuttiadi