കണ്ണൂർ: ഖത്തറില്‍ വാഹന അപകടത്തില്‍ കണ്ണൂർ മട്ടന്നൂർ സ്വദേശി ഉള്‍പ്പെടെ രണ്ടുപേർ മരിച്ചു. മട്ടന്നൂർ ചോലയില്‍ രഹനാസാണ് (40) മരിച്ചത്. ഒപ്പമുണ്ടായിരുന്ന നേപ്പാള്‍ സ്വദേശിയും അപകടത്തില്‍ മരിച്ചു. കൂടെയുണ്ടായിരുന്ന മറ്റൊരു നേപ്പാള്‍ സ്വദേശിയെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചു.

വെള്ളിയാഴ്ച രാത്രി ഏഴുമണിയോടെ ഇവർ സഞ്ചരിച്ച വാഹനം നിർത്തിയിട്ട ട്രെയിലറിന് പിന്നില്‍ ഇടിച്ചാണ് അപകടമുണ്ടായത്. ഖത്തറിലെ സ്വകാര്യ കമ്ബനിയില്‍ ജീവനക്കാരായിരുന്ന ഇവർ ഡെലിവറിക്കായി പോകുന്നതിനിടെയാണ് അപകടം.

വരട്ടിയോടൻ അബ്ദുല്‍ വഹിദിന്റെയും ചോലയില്‍ ഖദീജയുടെയും മകനാണ് മരണപ്പെട്ട രഹ്‌നാസ്. ഭാര്യ ശരീഫ. മക്കള്‍: മിന്സ ഫാത്തിമ, സൈനുല്‍ ഹാഫിസ്, സാഖിഫ് ഐമൻ. ഹമദ് മോർച്ചറിയില്‍ സൂക്ഷിച്ച മൃതദേഹം നടപടികള്‍ പൂർത്തിയാക്കിയ ശേഷം നാട്ടിലെത്തിക്കും.

Summary: A young man from Kannur died in a car accident in Qatar