ചോമ്പാല: മാഹി റെയിൽവെ സ്റ്റേഷന് സമീപം യുവാവിനെ തീവണ്ടിയിൽ നിന്ന് വീണ് മരിച്ച നിലയിൽ യുവാവിനെ കണ്ടെത്തി. പേരാവൂർ തുണ്ടിയിൽ ഐക്കാട് ദീപു സുധാകരൻ (31) ആണ് തീവണ്ടിയിൽ നിന്ന് വീണ് മരിച്ചത്.

വ്യാഴാഴ്ച രാവിലെ 5.30 ഓടെയാണ് മൃതദേഹം കണ്ടെത്തിയത്. ബുധനാഴ്ച രാത്രി 10.30 ന് കണ്ണൂർ ഭാഗത്തേക്കു പോകുന്ന എറണാകുളം- കണ്ണൂർ എക്സിക്യൂട്ടീവ് എക്സ്പ്രസ് തീവണ്ടിയിൽ നിന്നാണ് ഇയാൾ വീണത്.

മൃതദേഹം ചോമ്പാല പോലീസ് ഇൻക്വസ്റ്റ് നടത്തിയ ശേഷം മാഹി ഗവൺമെണ്ട് ആശുപത്രി മോർച്ചറിയിലേക്ക് മാറ്റി. തുടർന്ന് പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടു നൽകി. അച്ഛൻ: സുധാകരൻ, അമ്മ : ഷീല. സഹോദരി: ദിവ്യ.

Summary: A young man died after falling from a train near Mahi railway station