വടകര: പുതുപ്പണം പാലോളിപ്പാലം ആക്കുപാലത്തിന് സമീപം ട്രെയിന്‍ തട്ടി യുവതി മരിച്ചു. ആക്കുന്റവിട ഷര്‍മിള (47) ആണ് മരിച്ചത്. ബുധനാഴ്ച വൈകിട്ട് ആറരയോടെയാണ് അപകടം.

ഷര്‍മിള ആദ്യം താമസിച്ചിരുന്നത് ആക്കുപാലത്തിന് സമീപത്തായിരുന്നു. പിന്നീട് എസ്പി ഓഫീസിനടുത്തേക്ക് വീട് മാറുകയായിരുന്നു. ഇന്നലെ കുടുംബശ്രീക്കായി എത്തിയപ്പോഴായിരുന്നു അപകടം സംഭവിച്ചത്.

എന്‍ജിന്‍ ഡ്രൈവര്‍ വടകര റെയില്‍വേ സ്‌റ്റേഷനില്‍ വിവരം അറിയിച്ചതിനെ തുടര്‍ന്ന് പോലീസ് സ്ഥലത്തെത്തി നടത്തിയ പരിശോധനയിലാണ് മൃതദേഹം കണ്ടെത്തിയത്. മൃതദേഹം ജില്ലാ ആശുപത്രിയിലേക്ക് മാറ്റി.

ഭര്‍ത്താവ്: അങ്കജന്‍.

മക്കള്‍: കാവ്യ, കൃഷ്ണ.

Description: A woman died after being hit by a train at Vadakara Palolipalam