കൂത്തുപറമ്പ്: മുള്ളൻ പന്നിയുടെ ആക്രമണത്തിൽ വിദ്യാർഥിക്ക് പരിക്കേറ്റു. കൈപ്പത്തി തുളച്ച് മുള്ള് മറുവശത്തെത്തി. മൂന്നാംപീടിക കണ്ടേരി മാണിക്കോത്തുവയൽ സ്വദേശിമുഹമ്മദ് ഷാദിൽ(16) ആണ് പരിക്കേറ്റത്. ഇന്ന് പുലർച്ചെയാണ് സംഭവം.

പിതാവിനൊപ്പം പള്ളിയിൽ നിസ്‌കരിക്കാൻ പോവുമ്പോൾ മുള്ളൻപന്നിയെ കണ്ട് സ്കൂട്ടർ നിർത്തിയതായിരുന്നു. കൗതുകം കൊണ്ട് സ്കൂട്ടറിൽ നിന്ന് റോഡിലേക്കിറങ്ങി മാറി നിന്ന് മുള്ളൻ പന്നിയെ നോക്കുന്നതിനിടെയാണ് ആക്രമം ഉണ്ടായത്. കുട്ടിയുടെ അടുത്തേക്ക് ഓടിയെത്തിയ മുള്ളൻപന്നി മുള്ളുകൾ തെറിപ്പിക്കുകയായിരുന്നു.

ഷാദിലിന്റെ കൈപ്പത്തി തുളച്ച് മുള്ള് മറുവശത്തെത്തി. കൂടാതെ ശരീരമാസകലം മുള്ളുകൾ തറച്ചിട്ടുണ്ട്. പരിക്കേറ്റ ഷാദിൽ തലശ്ശേരിയിലെ സ്വകാര്യ ആശുപത്രിയിൽ ചികിത്സയിലാണ്. ആശുപത്രിയിലെത്തിയ ശേഷമാണ് മുള്ളുകൾ നീക്കം ചെയ്തത്.