താമരശ്ശേരി: തേനീച്ചയുടെ കുത്തേറ്റ് താമരശ്ശേരിയിൽ മധ്യവയസ്കൻ മരിച്ചു. കത്തറമ്മൽ തുവ്വക്കുന്നുമ്മൽ ഭാസ്കരൻ (65) ആണ് മരിച്ചത്. വീടിൻ്റെ ടെറസിന് മുകളിൽ നിൽക്കുന്നതിനിടെ തേനീച്ചയുടെ ആക്രമണമുണ്ടാകുകയായിരുന്നു. ഇന്ന് വൈകുന്നേരം 5 മണിയോടെയാണ്‌ സംഭവം.

ഉടൻ തന്നെ ഭാസ്കരനെ താമരശ്ശേരി താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം താമരശ്ശേരി താലൂക്ക് ആശുപത്രിയിൽ സൂക്ഷിച്ചിരിക്കുകയാണ്. തുടർനടപടികൾക്ക് ശേഷം ബന്ധുക്കൾക്ക് വിട്ടുനൽകും.

ഭാര്യ: ലീല. മക്കൾ: ഷിബിന, ലിസ്ന.

Description:A middle-aged man dies after being stung by a bee in Thamarassery