കൊയിലാണ്ടി: കൊല്ലത്ത് ലോറി ബൈക്കിലിടിച്ച് അപകടം. രാത്രി 9 മണിയോടെ കൊല്ലത്തെ വില്ലേജ് ഓഫീസിന് സമീപത്തുവെച്ചാണ് അപകടം നടന്നത്. യുവാവിന്റെ കാലിലൂടെ ലോറി കയറിയിറങ്ങി. കൊല്ലം ഭാഗത്തുനിന്നും കൊയിലാണ്ടി ഭാഗത്തേയ്ക്ക് വരുകയായിരുന്ന ബൈക്കിനെ കണ്ണൂർ ഭാഗത്തേയ്ക്ക് പോകുന്ന ടാങ്കർ ലോറി ഇടിക്കുകയായിരുന്നു.

കാലിന് ഗുരുതരമായി പരിക്കേറ്റ ബൈക്ക് യാത്രക്കാരനായ യുവാവിനെ നാട്ടുകാരും ഫയർഫോഴ്‌സും ചേർന്ന് കൊയിലാണ്ടി താലൂക്ക് ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമായതിനാൽ തുടർ ചികിത്സയ്ക്കായി കോഴിക്കോട് മെഡിക്കൽ കോളേജിലേയ്ക്ക് കൊണ്ടുപോയി. അപകടം നടന്നയുടെനെ ലോറി ഡ്രൈവർ ഇറങ്ങി ഓടി. പ്രദേശത്ത് വൻ ഗതാഗതക്കുരുക്ക് തുടരുകയാണ്.