താമരശ്ശേരി: താമരശ്ശേരി ചുരത്തില്‍ കൂറ്റൻ പാറ അടര്‍ന്ന് വീണ് അപകടം. താമരശ്ശേരി ചുരത്തിലെ ഒമ്പതാം വളവിന് താഴെ റോഡിന് അധികം വീതിയില്ലാത്ത ഇടുങ്ങിയ ഭാഗത്തെ കൂറ്റൻ പാറയാണ് അടര്‍ന്ന് റോഡിലേക്ക് വീണത്. ഇന്ന് രാവിലെ 11.50ഓടെയാണ് സംഭവം.

സംഭവത്തെ തുടര്‍ന്ന് ചുരത്തില്‍ ഭാഗികമായി ഗതാഗതം തടസപ്പെട്ടു. പാറ ഇളകി വീണതോടെ ഇതോടൊപ്പമുള്ള പാറക്ഷണങ്ങളും മണ്ണുമെല്ലാം റോഡിലേക്ക് വീണിരുന്നു.

കൂറ്റൻ പാറ റോഡിലേക്ക് വീണ സമയത്ത് ഇതുവഴി വാഹനങ്ങള്‍ കടന്നു പോകാത്തതിനാലാണ് വലിയ അപകടം ഒഴിവായത്. നേരത്തെ പാറ തെറിച്ച്‌ വീണ് ബൈക്ക് യാത്രികൻ മരിച്ച സംഭവം താമരശ്ശേരി ചുരത്തിൽ ഉണ്ടായിരുന്നു.

Summary: A huge rock fell onto the road at Thamarassery Pass; the accident was fatal.