ശരീര ഭാരം കുറയ്ക്കാൻ കഷ്ടപ്പെടുന്നവരാണ് ഭൂരിഭാ​ഗം പേരും. വെണ്ടയ്ക്ക കൊണ്ട് ശരീര ഭാരം കുറയ്ക്കാം. നന്നായി കഴുകിയെടുത്ത മൂന്ന് വെണ്ടയ്ക്ക നടുവെ പിളർന്ന ശേഷം ഒരു ഗ്ലാസ് വെള്ളത്തിലിട്ട് ഒരു രാത്രി വയ്ക്കുക. വെണ്ടയ്ക്ക കുതിർന്ന ശേഷം പിഴിഞ്ഞ് അരിച്ച് ഉപയോഗിക്കാം. രാവിലെ വെറും വയറ്റിൽ വേണം ഇത് കുടിക്കാൻ.

ഈ പാനീയം ശരീരഭാരം കുറയ്ക്കാനും രക്തത്തിലെ പഞ്ചസാരയുടെ അളവ് നിയന്ത്രിക്കാനും സഹായിക്കും. മൃ​ഗങ്ങളിൽ നടത്തിയ പഠനത്തിലാണ് ഇത് പ്രായോ​ഗികമാണെന്ന് തെളിഞ്ഞത്. വെണ്ടയ്ക്കയിൽ നിന്നെടുത്ത കാർബ്സ് മൃ​ഗങ്ങൾക്ക് നൽകുക വഴി അവയുടെ ശരീരഭാരം കുറയുകയും രക്തത്തിലെ പഞ്ചസാരയുടെ അളവും, കൊളസ്ട്രോളും കുറഞ്ഞതായും പഠനത്തിൽ കണ്ടു.

വെണ്ടയ്ക്കയിട്ട വെള്ളം പൊതുവെ സുരക്ഷിതമാണെങ്കിലും ചിലരിൽ ഇത് അലർജിക്ക് കാരണമാകാം. ഇത് കൂടിയ അളവിൽ ഉപയോഗിച്ചാൽ ദഹനപ്രശ്നങ്ങൾക്ക് കാരണമാകും.