വടകര: കരിമ്പനപ്പാലത്തെ നിക്ഷാന്‍ ഇലക്ട്രോണിക്‌സിന്റെ ഗോഡൗണില്‍ തീപിടുത്തം. ഇന്ന് രാവിലെ 7.15നാണ് സംഭവം. യു.പി എസ് ബാറ്ററിയില്‍ നിന്നും തീയും പുകയും ഉയര്‍ന്നതിനെ തുടര്‍ന്ന് സ്ഥാപനത്തിലെ ജീവനക്കാര്‍ അഗ്നിരക്ഷാസേനയെ വിവരം അറിയിക്കുകയായിരുന്നു.

തുടര്‍ന്ന് വടകര അഗ്നിരക്ഷാനിലയത്തില്‍ നിന്നും രണ്ട് യൂണിറ്റ് ഫയര്‍ എഞ്ചിന്‍ എത്തി തീ പൂര്‍ണമായും കെടുത്തി. ലക്ഷങ്ങള്‍ വിലവരുന്ന ഇലക്ട്രിക് ഉപകരണങ്ങളാണ് ഗോഡൗണില്‍ സൂക്ഷിച്ചിരിക്കുന്നത്. ഏതാണ്ട് രണ്ട് ലക്ഷത്തോളം രൂപയുടെ നാശനഷ്ടം ഉള്ളതായാണ് വിവരം.

വടകര ഫയർ സ്റ്റേഷൻ സീനിയർ ഫയർ ആന്റ് റെസ്‌ക്യൂ ഓഫീസർ ആർ ദീപക്കിന്റെ നേതൃത്വത്തിൽ ബിജു കെ.പി, ഷൈനേഷ് എ.പി, റാഷിദ് എം.ടി, അമൽ രാജ്, ഷിജേഷ് ടീ, അർജുൻ സി.കെ, വിജീഷ് കെ.എം, കെ സന്തോഷ്, സുബൈർ കെ, ആർ രതീഷ് എന്നിവർ ചേർന്നാണ് രക്ഷാപ്രവർത്തനം നടത്തിയത്.

Description: A fire broke out in the godown of Nixon Electronics at Vadakara Karimbapanapalam