നാദാപുരം: താലൂക്ക് ആശുപത്രിയിൽ നിന്നും സ്ഥലം മാറിപ്പോകുന്ന ജീവനക്കാർക്ക് യാത്രയയപ്പ് നൽകി. ഡോ. ജയേഷ്, ഡോ. ഫാത്തിമ സൂപ്പി, ഡോ. അരുൺകുമാർ എന്നിവർക്കും സർവ്വീസിൽ നിന്നും വിരമിച്ച ലാബ് അസിസ്റ്റന്റ് കെ.അനന്തനുമാണ് യാത്രയയപ്പ് നൽകിയത്.

ഹോസ്പിറ്റൽ മാനേജ്മെൻറ് കമ്മിറ്റിയുടെ നേതൃത്വത്തിലാണ് യാത്രയയപ്പ് പരിപാടികൾ സംഘടിപ്പിച്ചത്. തുണേരി ബ്ലോക്ക് പഞ്ചായത്ത് പ്രസിഡണ്ട് കെ.പി വനജ ഉദ്ഘാടനം ചെയ്തു. രജീന്ദ്രൻ കപ്പളളി അദ്ധ്യക്ഷത വഹിച്ചു.

സി വി എം നജ്മ, സമീറ , ആശുപത്രി സൂപ്രണ്ട് ഡോ. നവ്യ തൈക്കാട്ടിൽ, ഡോ. പ്രസില, മോഹനൻ, കെ.ജി അസീസ് , കെ ടി കെ അശോകൻ, സുരേന്ദ്രൻ കല്ലേരി തുടങ്ങിയവർ സംസാരിച്ചു.