നാദാപുരം: ചെക്യാട് മാമുണ്ടേരിയിൽ പത്തുവയസുകാരൻ കിണറിൽ വീണ് മരിച്ചു. മാമുണ്ടേരി നെല്ലിയുള്ളതിൽ മുനവറലിയാണ് മരിച്ചത്. ഇന്ന് രാവില 8.30 ഓടെയാണ് സംഭവം.

മാമുണ്ടേരിയിലെ മദ്രസയിൽ നിന്ന് ക്ലാസ് കഴിഞ്ഞ് വീട്ടിലേക്ക് മടങ്ങി വരുന്നതിനിടെ സമീപത്തെ പറമ്പിലെ ​ഗ്രിൽസിട്ട കിണറിന് മുകളിൽ കയറി മൾബറി പറിക്കാൻ ശ്രമിക്കുന്നതിനിടെ അബദ്ധത്തിൽ കിണറിലേക്ക് വീഴുകയായിരുന്നു. മുനവറലിക്കൊപ്പം ഉണ്ടായിരുന്ന കൂട്ടുകാർ നിലവിളിച്ചതിനെ തുടർന്ന് നാട്ടുകാർ എത്തിയാണ് കുട്ടിയെ പുറത്തെടുത്തത്. ഉടൻ കല്ലാച്ചിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വളയം പോലീസ് ഇൻക്വസ്റ്റ് നടത്തിയ ശേഷം മൃതദേഹം കോഴിക്കോട് മെഡിക്കൽ കോളേജിലേക്ക് പോസ്റ്റ് മോർട്ടത്തിനായി കൊണ്ടുപോയി.

ചെക്യാട് സൗത്ത് എംഎൽപി സ്‌കൂൾ നാലാം ക്ലാസ് വിദ്യാർഥിയാണ് മുനവറലി.
ഉപ്പ: ഹമീദ്
ഉമ്മ: ഫാത്തിമുത്തൽ സലീമ
ഖബറടക്കം പിന്നീട്