അഴിയൂർ: 71 ആമത് സഹകരണ വാരാഘോഷത്തിന്റെ ഭാഗമായി കുഞ്ഞിപ്പള്ളിയിൽ വടകര താലൂക്ക് തല സെമിനാർ സംഘടിപ്പിച്ചു. ഒഞ്ചിയം അർബൻ സഹകരണ സംഘം പ്രസിഡണ്ട് അഡ്വ: ഐ.മൂസ ഉദ്ഘാടനം ചെയ്തു. അഴിയൂർ വനിതാ സഹകരണ സംഘം പ്രസിഡണ്ട് ബിന്ദു ജയ്സൺ അധ്യക്ഷത വഹിച്ചു.

അഴിയൂർ യൂണിറ്റിലെ വിവിധ സഹകരണ സ്ഥാപനത്തിലെ ഭരണസമിതി അംഗങ്ങളും ജീവനക്കാരും ഉദ്യോഗസ്ഥരും സെമിറ്റ പങ്കെടുത്തു. നവംബർ 14 മുതൽ 20 വരെ നടക്കുന്ന സഹകരണ വാരാഘോഷത്തിൻ്റെ ഭാഗമായി വിവിധ പരിപാടികളാണ് സഹകരണ മേഖലയിൽ നടക്കുന്നത്.

അഴിയൂർ സർവീസ് സഹകരണ ബാങ്ക് പ്രസിഡണ്ട് പി.ശ്രീധരൻ, ഓഞ്ചിയം സർവീസ് സഹകരണ ബാങ്ക് പ്രസിഡണ്ട് വി.പി.ഗോപാല കൃഷ്ണൻ മാസ്റ്റർ, ചോമ്പാൽ സർവീസ് സഹകരണ ബാങ്ക് പ്രസിഡണ്ട് ലിനീഷ് പാലയാടാൻ, ചോറോട് കർഷക കർഷക തൊഴിലാളി സഹകരണ സംഘം പ്രസിഡണ്ട് കെ.എം നാരായണൻ എന്നിവർ സംസാരിച്ചു.

അഴിയൂർ യൂണിറ്റ് ഇൻസ്പെക്ടർ വി.രാകേഷ് സ്വാഗതവും ചോമ്പാല സർവീസ് സഹകരണ ബാങ്ക് സെക്രട്ടറി സുനീഷ് നന്ദിയും പറഞ്ഞു.

Summary: 71st Cooperation Week Celebration; Vadakara taluk level seminar was organized at Kunhippally