കോഴിക്കോട്: സ്ത്രീകളുടെ സ്‌കൂട്ടറുകൾ മാത്രം മോഷ്ടിക്കുന്ന കള്ളൻ പിടിയിലായി. കോഴിക്കോട് ചേവായൂരിലാണ് സംഭവം. കുരുവട്ടൂർ പുല്ലാളൂർ സ്വദേശി ഷനീദ് അറഫാത്തിനെ ഇന്നലെ രാത്രിയാണ് പിടികൂടിയത്. അമ്പതിലധികം സ്‌കൂട്ടറുകൾ ഇയാൾ മോഷ്ടിച്ചതായി പൊലീസ് പറയുന്നു.

കോഴിക്കോട്, കണ്ണൂർ ജില്ലകളിലായി ഏകദേശം അൻപതോളം സ്‌കൂട്ടറുകൾ മോഷ്ടിച്ചതായി ഷനീദ് സമ്മതിച്ചിട്ടുണ്ട്. ഇതിൽ 11 എണ്ണം പൊലീസ് പിടിച്ചെടുത്തു. മോഷ്ടിച്ച സ്‌കൂട്ടറുകൾ പണയംവയ്ക്കുകയാണ് ഷനീദിന്റെ രീതി. ചീട്ടുകളിക്കായി പണം കണ്ടെത്താനാണ് മോഷണം നടത്തുന്നതെന്നാണ് പ്രതിയുടെ മൊഴി.