കൊയിലാണ്ടി: സംസ്ഥാനത്തെ മികച്ച എൻ.എസ്.എസ് വളണ്ടിയറായി തിരഞ്ഞെടുക്കപെട്ട ബി.ജെ.ശ്രീലക്ഷ്മിദേവയെ സിപിഎം ആനക്കുളം ബ്രാഞ്ചിന്റെ നേതൃത്വത്തിൽ അനുമോദിച്ചു. ആനക്കുളത്തെ വീട്ടിലെത്തി കെ.ദാസൻ എംഎൽഎ ഉപഹാരം കൈമാറി. ശിവദാസൻ കളത്തിൽ, കളത്തിൽ ഷിബു, സുധീർദാസ്, ശ്രീജിത്ത് എന്നിവർ പങ്കെടുത്തു.

ആനക്കുളം അട്ടവയലിൽ എ.കെ.ബിജിയുടെയും സി.കെ.ജയദേവന്റെയും മകളാണ് ശ്രീലക്ഷ്മി ദേവ. അലൻ ബി ജയദേവ് സഹോദരനാണ്. സംസ്ഥാനത്തെ മികച്ച വളണ്ടിയറായ ശ്രീലക്ഷ്മി ദേവ പൊയിൽകാവ് ഹയർ സെക്കന്ററി സ്കൂളിലെ 2018-20 അധ്യയന വർഷത്തിലെ എൻഎസ്എസ് വളണ്ടിയർ ലീഡർ ആയിരുന്നു.

2019-20 വർഷം സംസ്ഥാന എൻ എസ് എസ് സെൽ പ്രഖ്യപിച്ച നാലവാർഡുകൾ കരസ്ഥമാക്കിയ പൊയിൽകാവ് ഹയർ സെക്കന്ററി സ്കൂൾ നടത്തിയ പരിസ്ഥിതിയുമായി ബന്ധപ്പെട്ട പ്രവർത്തനങ്ങൾ, സുന്ദര പാതയോരം പദ്ധതി, ലഹരിക്കെതിരെയുള്ള കാവലാൾ പദ്ധതി, പ്രളയാനന്തര പ്രവർത്തനങ്ങൾ, പാലിയേറ്റീവ് പ്രവർത്തനങ്ങൾ, ഹരിതം, ഭവനം, നമുക്കൊപ്പം തുടങ്ങിയ വിവിധ മേഖലകളിലെ മികവുറ്റ പ്രവർത്തനങ്ങൾക്ക് ശ്രീലക്ഷ്മി ദേവ നേതൃത്വം നൽകി .

2019-20 വർഷം നടന്ന NSS നാഷണൽ ഇന്റഗ്രേഷൻ ക്യാമ്പിൽ കേരളത്തെ പ്രധിനിധീകരിച്ചു പങ്കെടുത്ത ശ്രീ ലക്ഷ്മി ദേവ 2019-20 വർഷത്തെ സംസ്ഥാന എൻ എസ് എസ് സെൽ പ്രഖ്യപിച്ച സംസ്ഥാനത്തെ മികച്ച വളൻ്റിയർ അവാർഡിന് അർഹയായിരുന്നു. സാമൂഹിക പ്രവർത്തനങ്ങൾക്കൊപ്പം സംഗീതം,നൃത്തം, കരാട്ടെ തുടങ്ങിയ വിവിധ മേഖലകളിൽ പ്രാവീണ്യം തെളിയിച്ചിട്ടുണ്ട്.