കൊയിലാണ്ടി: മൂടാടിക്കടുത്ത് ദേശീയ പാതയിൽ കാർ ഇലക്ട്രിക് പോസ്റ്റിലിടിച്ചു. ഇന്ന് പുലർച്ചെ ആയിരുന്നു സംഭവം. മൂടാടി ടൗണിനടുത്ത് ഉരുപുണ്യകാവ് കവാടത്തിന് എതിർവശത്തെ ഇലക്ട്രിക് പോസ്റ്റിലാണ് കാർ ഇടിച്ചത്. ഇടിയുടെ ആഘാതത്തിൽ പോസ്റ്റ് നടുമുറിഞ്ഞ അവസ്ഥയിലാണ്.

കാറിന്റെ മുൻഭാഗം തകർന്നെങ്കിലും കാറിലുണ്ടായിരുന്നവർ പരിക്കേൽക്കാതെ രക്ഷപ്പെട്ടു. നാലു പേരായിരുന്നു കാറിൽ ഉണ്ടായിരുന്നത്. ഡൽഹിയിൽ നിന്ന് കാറിൽ പത്തനംതിട്ടയിലേക്ക് പോകുകയായിരുന്നവരാണ് അപകടത്തിൽ പെട്ടത്.