ബാലുശ്ശേരി: വിൽപ്പനയ്ക്കായി മയക്കുമരുന്ന് സ്കൂട്ടറിൽ കടത്തിക്കൊണ്ടുവന്ന യുവാക്കളെ ബാലുശ്ശേരി എക്സെൈസ് പിടികൂടി. നടുവണ്ണൂർ കരുമ്പാപൊയിൽ ചാത്തോത്ത് വീട്ടിൽ റിതുൽ റോഷൻ 24 വയസ്സ്, നടുവണ്ണൂർ കുന്നംപൊയിൽ മിജാസ് 22 വയസ്സ് എന്നിവരാണ് പിടിയിലായത്.

ബാലുശ്ശേരി റെയ്ഞ്ച് എ ക്സൈസ് ഇൻസ്പെക്ടർ ജിജോ ജെയിംസും സംഘവുമാണ് ഇവരെ അറസ്റ്റു ചെയ്തത്. എട്ടുഗ്രാം എംഡിഎംഎ ആണ് ഇവരിൽനിന്ന് പിടിച്ചെടുത്തത്. ചില്ലറമാർക്കറ്റിൽ ഒന്നരലക്ഷം രൂപ വിലവരുന്ന മാരകസ്വഭാവമുള്ള ലഹരിവസ്തുവാണ് പിടിച്ചെടുത്തത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.