തിരുവനന്തപുരം: പൊതു വിദ്യാലയങ്ങളിലെ കുട്ടികളുടെ വർധന ശാസ്ത്രീയമായ കണക്കുകളുടെ അടിസ്ഥാനത്തിലെന്ന് വിദ്യാഭ്യാസ വകുപ്പ് അറിയിച്ചു. 6.8 ലക്ഷം കുട്ടികൾ കൂടിയെന്നത് ശാസ്ത്രീയമായ കണക്കെന്നും വിദ്യാഭ്യാസ വകുപ്പ് വ്യക്തമാക്കി.

കള്ള കണക്കാണെന്ന സോഷ്യൽ മീഡിയയിലെ അടക്കമുള്ള പ്രചരണങ്ങള്‍ക്ക് മറുപടിയുമായി വിദ്യാഭ്യാസ മന്ത്രിയും രംഗത്തെത്തി. 6.8 ലക്ഷം കുട്ടികൾ കൂടിയന്നത് വസ്തുതയാണെന്നും വിരുദ്ധ പ്രചാരണം നടത്തുന്നവർ പൊതുവിദ്യാഭ്യാസ മേഖല നന്നാവുന്നതിൽ നിരാശ ഉള്ളവരാണെന്നും സി രവീന്ദ്രനാഥ് അഭിപ്രായപ്പെട്ടു.